Heimur án tíma

Jámm

"Skilningur er ekki forsenda samvinnu," var sagt í Matrix tvö. Ef ég hugsa út í þetta fæ ég út að ef farið væri eftir þessu hugsuðum við ekki heldur aðeins gerðum. Það er þetta sem þeir sem vilja stjórna segja. Þeir vilja að við hugsum ekki út í það sem við gerum heldur gerum það án löngun til að vita ástæðu þess. En það er einmitt það sem maðurinn verður að fá að vita. Við getum samt sem áður ákveðið hvort við hugsum út í það eða ekki, en oft verðum við hreinlega að hugsa út í það.

En ef ég fer aftur í upprunalegu setninguna þá fæ ég aðra pælingu. Við skiljum ekki alltaf hvað við erum að gera. Við hugsum ekki út í það og þess vegna oft skiljum við það ekki. Oft trúum við þó að við vitum og skiljum af hverju. Ég ætla að leyfa lesanda að melta þetta og vonandi fær hann að bæta við þetta og/eða búa til aðra pælingu.

Það er óþægilegt að hugsa til þess að bara með því að lifa eins og við lifum, þá erum við að hindra það að ég komist á snjóbretti. Bráðum verður bara alls ekki hægt að stunda bretti á Íslandi vegna gróðurhúsaáhrifa eða einhverra annarra áhrifa. Þótt mig langi alltaf til þess að fara á bretti þá er skrítið að hugsa til þess að ég get ekkert af því gert að í framtíðinni geti ég það ekki og ég er meðsekur í því máli.